حــــــــــــــوار

lماتتضتاري ورا الدعوات
ماتتلبسي فرح الفات
يسكن فيك النغم الذزايف
ويسرق حاسه شوفنا الواقفه
علي رجلين جوانا
ونحنا الهاويه
والمتطامن من االارض
اه من نحلك ساعه يرحل
لمن يكتب فينا الحنضل
ويختم عمره بفعل الشهد
,,,,,,,(((()))),,,,,,,
قال الجدول:
طلوع النخله مرور الريح:واحد؟
لكن الريح بتعانق حقل
ونحن بنطلع نخله وننزل
وتكتب في زاكرت لصفق الاخضر
سجنا الريح في الورق الابيض
او وجهناها ضد التمر الناعس
يسقط زي قبعه الحارس
زي الكان بيناتنا وفات
قالت غيمه:
((بين غوسين غيمه لئيمه))
اولاد الشارع فهرس
لي كل المدن التهرس...جوفك بالاسمنت
قالت ريح:
شوف الناس قنديل
لما نور يحرق كوخ
وباقي الحله تنور
او جبه جوخ.او يطلع بوخ
اقول لي النخله الزايفه اقيفي
لو تتفرد ريح,او تتشرد ريح:
ريح الخوف
لو تتفرد ريح,تبدا تفرتق ضفاير المدن الكاذبه
تعيد تسريحك