هلالالالاب X مريخااااااب

نحنا كلنا السودان

كلنا نمثل البلد الواحد

على جميع الاطياف

هلالاب مريخاب مورداب

زرق حمر صفر بيض كلو بلدنا

على طاريء الالوان ديل

قال ليك :

قالوا في جماعة جوا لي الزريبة بتاعت الغنم ، وأول واحد لاقاهم سألوه
ياخي الغنماية عندك بتحلب كم رطل في اليوم
قال ليهم ياتا فيهن الزرقاء ولا الحمراء؟؟
قالوا ليه الزرقاء
قال ليهم كان 3 أرطال كان 5 أرطال
طيب والحمراء
قال : نفس الشي
قالوا ليه طيب لو ضبحوها بكون فيها كم كيلو كده
قال ليهم: ياتا فيهن الزرقاء ولا الحمراء
قالوا ليه الزرقا
قال ليهم كان عشرة كيلو كان خمستاشر كده
طيب والحمراء
قال ليهم نفس الشي
قالوا ليه طيب إذا النوعين متساويات طيب مالك ياخي شابكنا الزرقا ولا الحمرا
قال ليهم لأنه الزرق ديل حقاتي
قالوا طيب والحمر
قال ليهم نفس الشي


<<<<<

بعد كورة هلال مريخ الاخيرة دي

قال ليك :

مريخابي راح للدكتور يشتكي من صداع بعد قون إيفوسا التالت ،فسأله الدكتور انت لما تنوم يكون الشباك مفتوح او مقفول قال المريض مقفول قال الدكتور سيبه مفتوح ونام تاني يوم جاء المريض فساله الدكتور راح الصداع قال له الصداع راح والمكيف راح والثلاجة راحت

<<<<<

عشان المريخاب ما يزعلوا

مدرس بنطق السين شين والشين سين قام ختوهو مراقب في الامتحانات
قام لقى طالب جنب الشباك بشف من جارو قام قال ليه
بتسف؟؟
الطالب قام جدع السفة بالشباك المدرس قال ليه
كمان بتشف؟؟
<<<<<